Deputación da Coruña

A Deputación da Coruña presentou este xoves na sede da institución provincial os campus de fútbol que a RFEF levará a cabo nos concellos de Cerceda, Boiro e Cedeira.

A área de Benestar Social e Igualdade da Deputación da Coruña publica os resultados do programa de prevención e sensibilización da violencia de xénero entre a mocidade “Suprime o Control”, que nesta edición contou coa participación de máis de 1.000 alumnas e alumnos de 14 centros educativos da provincia. Entre outros datos, o informe mostra que case a metade consideran que os ciumes son síntoma de afecto. A deputada Ánxela Franco defende que o informe deixa claro "que a educación é a mellor ferramenta contra a violencia machista".

A Deputación da Coruña reuniuse  coás asociacións da provincia que desenvolven accións no ámbito medioambiental e de benestar animal para presentar as novas liñas de subvencións aprobadas polo goberno provincial con destino a estas entidades.

O orzamento destas convocatorias ascende a 300.000 euros (150.000 € para a liña destinada a entidades medioambientais e 150.000 € para as protectoras de animais) e as subvencións van desde os 3.000 aos 15.000 euros, en función dos criterios de baremación de cada programa.

A campaña de concienciación e sensibilización contra a violencia de xénero “Quen dixo medo?”, artellada pola área de Igualdade da Deputación da Coruña, vén de superar a cifra dos 3.000 participantes, tras completarse a primeira das dúas anualidades definidas pola institución provincial, co obxectivo de previr e lanzar unha contundente mensaxe de rexeitamento ante calquera manifestación de violencia machista.

O XXI Certame de Teatro Escolar e Afeccionado da Deputación da Coruña chega a seu fin este venres 15 de xuño coa celebración da gala de clausura no Teatro Colón que contará coa participación da compañía Pista Catro e a actriz Isabel Risco. Máis de mil actores e actrices participaron neste concurso que é o máis multitudinario dos que se desenvolven na escena galega.

A campaña de difusión e visibilización do deporte feminino “Conquista os elementos”, que promove a área de Benestar Social e Igualdade da Deputación da Coruña, segue a romper barreiras e superar obstáculos para a igualdade tras sobrepasar ecuador da súa programación, e ser presentado en 13 concellos da provincia. Máis de trinta deportistas participan na iniciativa.

O Boletín Oficial da Provincia (BOP) publica as bases do proceso selectivo para a contratación de catro peóns no Concello de Aranga, cuxos custos laborais e de seguridade social asume a Deputación da Coruña a través da liña de apoio aos concellos do Plan de emprego local (PEL-Concellos).

A área de Cultura da Deputación da Coruña e a compañía de teatro, Elefante Elegante, presentan este venres 8 de xuño (20:30 horas) no Teatro Colón a obra “Tropical”. Un espectáculo sensitivo, universal e evocador que mergulla ao espectador no universo dunha peculiar viaxe, chea de matices e dimensións.

O escenario do Colón acolle a representación dunha peza que xira arredor dun cruceiro ateigado de turistas entretidos que, durante a súa viaxe, atopan unha balsa repleta de refuxiados.

Máis de 350 nenos e nenas entre os 6 e 12 anos pertencentes ás distintas categorías base (prebenxamín, benxamín, alevín, infantil feminino e Special Olympics) de máis de 35 clubes de fútbol sala galegos, participarán entre o 14 e 17 de xuño no Torneo de fútbol sala “Memorial Héroes do Orzán 2018”, que se desenvolverá nos pavillóns deportivos do Ventorrilo e Novo Mesoiro, na cidade da Coruña