O Concello acomete a renovación do firme nos Rosales

Autor: Coruña Hoy / Fecha: Mar, 18/09/2018 - 11:05 / Etiquetas: concello da coruña

O Concello iniciou as obras de renovación do firme no polígono dos Rosales, que contan cun orzamento de máis de 776.000 euros e que, segundo a previsión, rematarán antes de que finalice o ano. O titular de Rexeneración Urbana, Xiao Varela, manifestou a súa satisfacción polo inicio dunha actuación "que ten carácter integral e de gran impacto no espazo público".

O Concello activa a descentralización da atención social nos barrios

Autor: Coruña Hoy / Fecha: Mar, 18/09/2018 - 10:53 / Etiquetas: concello da coruña

O alcalde, Xulio Ferreiro, e a concelleira de Xustiza Social, Silvia Cameán, visitaron este luns os centros cívicos de Labañou e dos Mallos, dous dos equipamentos municipais onde, dende onte, está en marcha a descentralización da atención social a través de equipos profesionais completos, xunto cos de San Diego, Elviña e Monte Alto. O rexedor recordou que, dentro da aposta decidida do goberno local por poñer a xustiza social no centro das políticas municipais, neste mandato o Concello implementou distintas medidas encamiñadas a mudar o modelo de atención social existente na cidade.

O Concello abre o prazo de inscrición do programa formativo en consumo para persoas adultas da OMIC

Autor: Coruña Hoy / Fecha: Mar, 18/09/2018 - 10:49 / Etiquetas: concello da coruña

A Concellería de Emprego e Economía Social informa de que a Oficina Municipal de Información ás Persoas Consumidoras (OMIC) abre o prazo de inscrición para participar nas charlas e obradoiros do seu Programa Formativo en Consumo até final de ano, unha iniciativa dirixida á cidadanía maior de 18 anos e que ten como obxectivo achegar ás persoas consumidoras cuestións vinculadas aos seus dereitos, así como mecanismos para exercer a defensa ou reclamación.

O Concello financia o concurso do Fondo Galego de Cooperación 'Muros que Unen'

Autor: Coruña Hoy / Fecha: Lun, 17/09/2018 - 09:56 / Etiquetas: concello da coruña

O Concello da Coruña colabora, dentro do seu traballo habitual co Fondo Galego de Cooperación, no concurso Muros que Unen, unha iniciativa posta en marcha por esta entidade social sen ánimo de lucro que busca implicar á cidadanía na visibilización das desigualdades. O certame pretende que as persoas ou colectivos que así o desexen presenten, antes do 30 de setembro, distintos deseños de murais que se centren en dúas ideas fundamentais: a loita contra a pobreza e a equidade de xénero.

O centro cívico dos Mallos acolle este sábado un novo encontro 'Dillo ti' entre o goberno local e a veciñanza

Autor: Coruña Hoy / Fecha: Vie, 14/09/2018 - 10:32 / Etiquetas: concello da coruña

O alcalde da Coruña, Xulio Ferreiro, e membros do goberno local participarán este sábado 15, a partires das 12.00 horas, nunha nova xuntanza Dillo ti, que terá lugar no centro cívico dos Mallos. O encontro, no que pode participar toda a cidadanía, é un espazo aberto ao diálogo e á conversa entre a veciñanza e o seu goberno, de xeito directo e sen intermediación. Como é habitual, o encontro contará cun servizo de tradución á linguaxe de signos, así como un espazo de conciliación, que permite ás persoas con nenas ou nenos ao cargo asistir á cita, e que tamén está aberto á cidadanía.

El Ayuntamiento celebra que el Parlamento respalde al gobierno municipal de A Coruña y pida de manera unánime la condonación de la deuda del Porto

Autor: Coruña Hoy / Fecha: Jue, 13/09/2018 - 10:36 / Etiquetas: concello da coruña

El Parlamento Gallego ha aprobado, con la unanimidad de todos los grupos, una Proposición no de ley que, en el mismo sentido que se manifestó el Pleno de la Corporación municipal esta semana a través de una moción impulsada por la Marea Atlántica, pide al Gobierno del Estado la condonación de la deuda de la Autoridad Portuaria de A Coruña (APAC) o la aplicación de medidas que tengan el mismo resultado, así como la constitución de un ente público en el que participen todas las administraciones y entidades relacionadas para ahondar en la gestión, de una manera participada, de la recuperación

O goberno local proporá ao Consello Consultivo que chegue até o final e examine outras tres adquisicións máis de inmobles para dar garantías ás políticas públicas de vivenda

Autor: Coruña Hoy / Fecha: Jue, 13/09/2018 - 09:41 / Etiquetas: concello coruña

O concelleiro de Rexeneración Urbana e Dereito á Vivenda, Xiao Varela, trasladou este mércores a intención do goberno local de "chegar até o final" no que respecta á revisión do Concurso Público de Adquisición de Vivenda posto en marcha pola administración local e que tiña como obxectivo aumentar o parque público de inmobles destinado a ofrecer alternativas habitacionais dignas á veciñanza en situación de vulnerabilidade.

O Concello abre o prazo de inscrición para o uso dos locais de ensaio no vindeiro semestre

Autor: Coruña Hoy / Fecha: Mié, 12/09/2018 - 10:18 / Etiquetas: concello da coruña

A Concello inicia o  xoves 13 de setembro o período para que os grupos da cidade soliciten o uso das salas de ensaio municipais durante o vindeiro semestre. O prazo ordinario de inscrición remata o 28 de setembro. As condicións para poder optar a unha das 48 prazas semanais de ensaio, que se ofertan de maneira gratuíta, son que cando menos a metade do grupo sexa menor de 30 anos e que un mínimo do 50% das persoas integrantes estea empadroado na cidade ou cursando estudos nun centro escolar no municipio.

O Concello outorga 1.641 bolsas comedor para o próximo ano escolar

Autor: Coruña Hoy / Fecha: Mié, 12/09/2018 - 08:55 / Etiquetas: concello da coruña

A Concellería de Xustiza Social e Coidados incrementou a 1.641 os nenos e as nenas beneficiarias das bolsas comedor municipais para o vindeiro curso 2018-2019, o que supón un 112 máis que no pasado ano escolar grazas á ampliación de crédito para este programa prevista polo goberno local "que continúa a liña dos últimos anos, nos que se duplicaron os fondos para esta iniciativa para que ningunha familia que cumpra os requisitos se quede fóra destas axudas".

O Pleno avala a moción do grupo de goberno que solicita a condonación da débeda da Autoridade Portuaria

Autor: Coruña Hoy / Fecha: Mar, 11/09/2018 - 09:18 / Etiquetas: concello da coruña

O Pleno municipal aprobou este luns a moción presentada polo grupo que sustenta ao goberno local, que insta ao executivo estatal a condonar o préstamo concedido á Autoridade Portuaria a través de Puertos del Estado para o financiamento das obras de Punta Langosteira, acordando para iso as medidas normativas e orzamentarias que sexan necesarias no vindeiro exercicio, ou ben a conceder unha axuda equivalente.

O grupo de goberno levará ao Pleno unha moción que reclama á Xunta que dote ao Punto de Atención Continuada da cidade de persoal suficiente para ofrecer un servizo de calidade

Autor: Coruña Hoy / Fecha: Lun, 10/09/2018 - 09:44 / Etiquetas: Concello A Coruña

O grupo que sustenta o goberno local trasladará ao Pleno municipal de hoxe unha moción que busca o acordo dos partidos para instar á Xunta de Galicia a manter nos Puntos de Atención Continuada (PAC) persoal suficiente para garantir o correcto desenvolvemento do servizo e unha atención sanitaria de calidade. A moción traslada tamén aos e ás traballadoras dos PAC o apoio da Corporación municipal da Coruña e rexeita a "política de recortes sanitarios que está a levar a cabo a Xunta de Galicia".

O Concello acomete a renovación do pavimento na avenida de Navarra

Autor: Coruña Hoy / Fecha: Mié, 05/09/2018 - 08:07 / Etiquetas: concello da coruña

A Concellería de Rexeneración Urbana acomete esta semana a mellora das condicións para a circulación de vehículos na avenida de Navarra. A actuación consiste no fresado de cinco centímetros de pavimentación actual e a reposición da capa de rodadura cun novo asfaltado, "unha obra que vén a facilitar e mellorar as condicións da condución e a incrementar a seguridade da vía", como sinala o edil Xiao Varela. "Estes traballos de repavimentación veñen a continuar a mellora que iniciamos este inverno na vía, cando actuamos para reparar os pasos peonís da rúa.

O alcalde indica que "logo de tres anos difíciles, estamos máis preto ca nunca de impulsar un proxecto sostible para a recuperación dos terreos portuarios"

Autor: Coruña Hoy / Fecha: Mar, 04/09/2018 - 09:38 / Etiquetas: concello da coruña

O alcalde, Xulio Ferreiro, manifestou onte ante os medios de comunicación que, "logo de tres anos moi difíciles, A Coruña está máis preto ca nunca de impulsar un proxecto sostible para a recuperación dos terreos portuarios".

O Concello recorda que a súa prioridade é manter a seguridade da afección que acuda a Riazor mentres continúan as obras

Autor: Coruña Hoy / Fecha: Mar, 04/09/2018 - 09:32 / Etiquetas: concello da coruña

O alcalde da Coruña, Xulio Ferreiro, confirmou este martes a boa marcha das obras que o Concello acomete no estadio municipal de Riazor, que teñen como obxectivo a reforma e conservación da cuberta e as estruturas metálicas dun equipamento que recibe, cada dúas semanas, a miles de veciños e veciñas desta cidade.

O espazo de dinamización xuvenil da Sagrada Familia inicia o seu segundo curso con actividades

Autor: Coruña Hoy / Fecha: Mar, 04/09/2018 - 09:12 / Etiquetas: concello da coruña

O punto de encontro para a mocidade da Sagrada Familia que impulsa a Concellería de Participación e Innovación Democrática comeza o mes de setembro cunha nova programación de actividades "decididas de maneira conxunta polas mozas e polos mozos do barrio que fan uso do espazo". A edil Claudia Delso salienta os bos resultados que está a colleitar este proxecto piloto de dinamización xuvenil, que comeza este curso a súa segunda edición tras un ano "no que se converteu nunha alternativa real de lecer no barrio".

A Concellería de Participación convoca unha nova xuntanza do Co-Lab para definir de maneira colectiva as súas liñas de traballo para o próximo curso

Autor: Coruña Hoy / Fecha: Lun, 03/09/2018 - 00:25 / Etiquetas: concello da coruña

A Concellería de Participación e Innovación Democrática organiza un encontro para o sábado 8 de setembro aberto a todas as persoas interesadas en participar, colaborar ou propoñer accións para a seguinte fase do Co-Lab, que comezará nos próximos meses. A xuntanza, que está convocada para as 11.00 horas do día 8 no Espazo de Iniciativas Xuvenís (EIX) da rúa Matadoiro, busca definir de maneira colectiva os retos e liñas de traballo para os proxectos que abordará o Co-Lab na súa próxima edición.

O Concello reforza o seu compromiso coa atención do colectivo LGTBQI

Autor: Coruña Hoy / Fecha: Lun, 03/09/2018 - 00:22 / Etiquetas: concello da coruña

A concelleira de Igualdade e Diversidade, Rocío Fraga, saudou a inminente apertura do proceso de licitación, por trámite de urxencia, da xestión do Espazo Diverso, servizo localizado no Centro Cívico da Cidade Vella, impulsado polo actual goberno local, e que busca dar ferramentas para a inclusión e o fomento das liberdades e dereitos do colectivo LGTBQI. A responsable municipal indicou que a intención do executivo é "poder retomar cantes antes a actividade que se desenvolve neste espazo de forma mellorada e incrementada".

Páginas